ԱՄՆ պետքարտուղար Մարկո Ռուբիոն երկուշաբթի հայտարարել է, որ ԱՄՆ Միջազգային զարգացման գործակալության (USAID) ղեկավարի պաշտոնակատարի դերն իր վրա է վերցրել։ Այս մասին հայտնում է CNN-ը։ Ավելի վաղ Դոնալդ Թրամփի վարչակազմը փաստացի փակել էր գործակալության
գործունեությունը՝ դադարեցնելով միջազգային օգնության մեծ մասը։
Սալվադոր
կատարած այցի ժամանակ լրագրողների հետ հանդիպմանը Ռուբիոն իրեն անվանել է «USAID-ի
տնօրենի պաշտոնակատար»: Նա նաև ասել է, որ գործակալությունն իրեն անպատասխանատու է
պահում, իսկ նրա գործունեությունը չի համապատասխանում Միացյալ Նահանգների ազգային
շահերին և պետք է վերանայվի ամերիկյան իշխանությունների կողմից: Խոսքը գործակալությունն
ամբողջությամբ վերացնելու մասին չէ, նշել է Ռուբիոն։
Պետքարտուղարը պարզաբանել է, որ գործակալության նկատմամբ
ամենօրյա վերահսկողությունը փոխանցվել է Պետդեպարտամենտի ծառայողներից մեկին։
