ԱՄՆ նախագահ Դոնալդ Թրամփի վարչակազմը պատրաստվում է
զանգվածային կրճատումներ իրականացնել ԱՄՆ Միջազգային զարգացման գործակալությունում
(USAID):
Աշխարհում ավելի քան 10 հազար աշխատակիցներից միայն 294-ը
կկարողանա պահպանել աշխատանքը, փետրվարի 7-ին հաղորդել է Reuters-ը՝ հղում անելով
աղբյուրներին: Ըստ այդմ՝ գործակալության աֆրիկյան բյուրոյում կմնա 12 աշխատակից,
ասիականում՝ 8։ Աղբյուրները հավելում են, որ որոշ աշխատակիցներ արդեն ստացել են հեռացման
մասին ծանուցումներ:
«Սա վրդովեցուցիչ է»,- Reuters-ին ասել է USAID-ի նախկին
ղեկավար (1993-1999), Բրաունի համալսարանին կից Ուոթսոնի ինստիտուտի ավագ
գիտաշխատող Ջոն Բրայան Էթվուդը: Նրա խոսքով՝ զանգվածային կրճատումները կոչնչացնեն
գործակալությունը, որն օգնել է ամբողջ աշխարհի տասնյակ միլիոնավոր մարդկանց: «Շատ
մարդիկ չեն գոյատևի»,- կարծում է Էթվուդը:
