ՌԴ նախագահի մամուլի քարտուղար Դմիտրի
Պեսկովը լրագրողների խնդրանքին ի պատասխան մեկնաբանել է այսօր Հայաստանի
խորհրդարանի կողմից ԵՄ-ին անդամակցելու գործընթացի մեկնարկի մասին օրինագծի
ընդունումը և ասել. «Դա Հայաստանի ինքնիշխան իրավունքն է»:
Նրա խոսքով՝
Հայաստանում կան քաղաքական ուժեր, որոնք կարծում են, որ դեպի ԵՄ կողմնորոշումը
երկրին լրացուցիչ դիվիդենդներ կտա, սակայն առայժմ երկիրը շարունակում է ակնհայտ
դիվիդենդներ ստանալ Եվրասիական տնտեսական միությանը (ԵԱՏՄ) անդամակցությունից։
«Պետք է և՛ իրենք՝ հայերը, և՛ բոլորը
հասկանան, թե որքանով է դա փոխադարձ ցանկություն, և ինչպես են իրենք՝ եվրոպացիները,
դրան վերաբերվում»,- ասել է նա:
Պեսկովը նաև
ուշադրություն է հրավիրել Եվրամիությանն անդամակցության գործընթացի բարդության
վրա՝ հիշեցնելով բազմաթիվ երկրների փորձը, որոնք «երկար հերթի մեջ են դրված այդ
գործընթացում, որը չափվում է տասնամյակներով»։
