«Հարավային
Կովկասում հաղորդակցությունների ապաշրջափակման եռակողմ աշխատանքային խմբում
աշխատանքները սառեցվել են Հայաստանի պատճառով»,- ասել է ՌԴ ԱԳՆ պաշտոնական
ներկայացուցիչ Մարիա Զախարովան։
ՌԴ ԱԳՆ ներկայացուցիչը հավելել է, որ խումբը «հսկայական աշխատանք է կատարել Հայաստանի և Ադրբեջանի միջև տրանսպորտային երթուղիների վերականգնման ինչպես իրավական հիմքերը, այնպես էլ տեխնիկական պարամետրերը համաձայնեցնելու ուղղությամբ»։
«Հենց եռակողմ աշխատանքային խմբում են ձեռք բերվել պայմանավորվածություններ
հաղորդակցությունների ապաշրջափակման բազային սկզբունքի շուրջ։ Այն ներառում է
ինքնիշխանության, ևս մեկ անգամ կրկնում եմ, և պետությունների իրավասության
պահպանում այս տարածքով անցնող երթուղիների նկատմամբ։ Եվ այս պայմանը հավանության
էր արժանացել և՛ Բաքվի, և՛ Երևանի կողմից»,- ասել է նա։
