Ուկրաինայում
անհրաժեշտ է ընտրություններ անցկացնել, եթե Կիևն ուզում է տեղ ստանալ
բանակցությունների սեղանի շուրջ Ռուսաստանի հետ հակամարտության կարգավորման շրջանակներում:
Այս մասին հայտարարել է ԱՄՆ նախագահ Դոնալդ Թրամփը Ֆլորիդայի իր նստավայրում
կայացած մամուլի ասուլիսում։
«Որտե՞ղ է Ուկրաինայում առաջնորդը: Ինձ տհաճ է դա ասել, բայց Զելենսկու աջակցության վարկանիշն իջել է մինչև 4%: Երկիրը
ծվեն-ծվեն է եղել: Դա նման է զանգվածային ապամոնտաժման հրապարակի: Չպե՞տք է արդյոք Ուկրաինայի ժողովուրդն ասի, որ մեզ մոտ երկար ժամանակ ընտրություններ չեն եղել»,- ասել է Թրամփը:
Հանրապետականի խոսքով՝
Ուկրաինայում «վաղուց ընտրություններ չեն եղել»։
Թրամփը նշել է, որ
Ուկրաինային ընթացակարգին մղում է ոչ թե Ռուսաստանը, այլ երկրում տիրող իրավիճակը։
ԱՄՆ նախագահը նաև ընդգծել է, որ Զելենսկին «չգիտի», թե ինչին է ուղղվել փողի կեսը,
որ ԱՄՆ-ն հատկացրել է Ուկրաինային։
ԱՄՆ առաջնորդը պաշտպանել
է Եվրոպայից Ուկրաինա խաղաղապահների ուղարկումը՝ առանց ԱՄՆ-ի մասնակցության։ «Վատ
չէր լինի մարտական գործողությունների ավարտից հետո եվրոպական զորքեր տեղակայվեին Ուկրաինայում, ԱՄՆ-ը չի կարող ուղարկել իր կոնտինգենտը, «որովհետև մենք շատ հեռու ենք»,- հայտարարել է Թրամփը:
