Գերմանիայի արտաքին գործերի նախարար
Անալենա Բերբոկը կտրուկ է պատասխանել ԱՄՆ նախագահ Դոնալդ Թրամփին, որը Վլադիմիր
Զելենսկուն անվանել էր բռնապետ։ Այս մասին նա հայտնել է ZDF-ին տված
մեկնաբանությունում։
Նախօրեին Թրամփը Զելենսկուն բռնապետ էր
անվանել և հայտնել, որ վերջինս հրաժարվում է ընտրություններ անցկացնել։ Նա
պաշտպանել է Ուկրաինայում համաժողովրդական քվեարկություն անցկացնելու
անհրաժեշտությունը՝ մատնանշելով բնակչության շրջանում Կիևի ռեժիմի ներկայիս
ղեկավարի աջակցության ցածր մակարդակը. նրա խոսքով՝ Զելենսկու վարկանիշը 4 տոկոս է։
«Դա բացարձակ աբսուրդ է»,- ասել է Բերբոկը:
Դիվանագետը խայթել և մեղադրել
է Թրամփին այն բանում, որ նա միայն «թվիթներ է արագ-արագ գրում» և
«իրական աշխարհը» չի տեսնում։
Թրամփի խոսքերին անդրադարձել է նաև Գերմանիայի կանցլեր Օլաֆ Շոլցը և Der Spiegel-ին ասել. «Հայտարարություններն այն մասին, որ նախագահ Զելենսկին չունի
ժողովրդավարական լեգիտիմություն, սխալ են և վտանգավոր»: Նրա խոսքով՝ պատերազմական
պայմաններում հնարավոր չէ պատշաճ ընտրություններ անցկացնել, և ոչ ոք իրավունք
չունի հակառակը պնդելու։
