Ուկրաինան ԱՄՆ-ից ստացել է 100 մլրդ դոլարի օգնություն, այլ ոչ թե 350 մլրդ դոլարի։ Այս մասին 2025 թվականի անելիքների վերաբերյալ ասուլիսի ժամանակ հայտարարել է Ուկրաինայի նախագահ Վլադիմիր Զելենսկին։
Ուկրաինայի նախագահի խոսքով՝ ԱՄՆ նախագահ Դոնալդ Թրամփը հավերժ չէ, իսկ իրենց երկարատև խաղաղություն է հարկավոր։
«Ռազմավարական գործընկերները պետք է ցանկություն ունենան համաձայնագրեր ստորագրելու, և ես ցանկանում եմ, որ ԱՄՆ-ի հետ մեր համաձայնագիրը լինի առանց սկանդալների։ Չեմ վիրավորվում բռնապետ բառից, վիրավորվում են նրանք, ովքեր իսկապես բռնապետ են»,- նշել է նա։
Զելենսկին ընդգծել է, որ պատրաստ չէ զիջել այն գումարները, որոնք սկզբում տրվել են որպես դրամաշնորհներ, սակայն վերածվել են պարտքերի և ասել է, որ չի ստորագրի մի փաստաթուղթ, որի համար ուկրաինացիների ամբողջ սերունդներ ստիպված կլինեն վճարել։
