ԵՄ արտաքին գործերի
նախարարները հավանություն են տվել Ռուսաստանի դեմ պատժամիջոցների 16-րդ փաթեթին Ուկրաինայում մարտական գործողությունների
երրորդ տարելիցի կապակցությամբ, հայտնում է Reuters-ը՝ հղում անելով երկու
դիվանագետների։
Սահմանափակումների
նոր փաթեթը նախատեսում է նաև առաջնային ալյումինի ներմուծման արգելք։ Ի թիվս այլ
բաների, ԵՄ երկրները կարգելեն քրոմի և որոշ քիմիկատների ներմուծումը, ինչպես նաև
նավթա- և գազավերամշակման գործարանների սպասարկումը։ ԵՄ-ն նաև Ռուսաստանին
ծրագրային ապահովման մատակարարման նոր սահմանափակումներ է մտցրել։
ԵՄ-ն սև ցուցակում ընդգրկել
է 48 ֆիզիկական և 35 իրավաբանական անձանց: Լրատվամիջոցները գրում են, որ
սահմանափակումները կվերաբերեն 13 բանկերի, ինչպես նաև 73 նավերի, որոնք ԵՄ-ն
համարում է «ռուսական ստվերային նավատորմի» մաս։ ԵՄ-ն արգելել է ռուսական 8 լրատվամիջոցի հեռարձակումը
Եվրոպայում։
Սև ցուցակում ներառվել են նաև 53
ընկերություններ, այդ թվում՝ Հնդկաստանից, Ղազախստանից, Չինաստանից, ԱՄԷ-ից,
Սինգապուրից, Թուրքիայից և Ուզբեկստանից:
