Թուրքիայի արտաքին գործերի նախարար Հաքան Ֆիդանը հայտարարել է, որ Անկարան աջակցում է ԱՄՆ նախագահ Դոնալդ Թրամփի՝ Ուկրաինայում պատերազմին վերջ տալու նախաձեռնությանը։
Նրա խոսքով՝ Թուրքիան նախկինում հաջողությամբ առաջարկել էր «Ստամբուլյան ձևաչափ» և հացահատիկի գործարք Ռուսաստանի և Ուկրաինայի համար։
«Միացյալ Նահանգները հանդես է եկել
հակամարտությունը բանակցությունների միջոցով դադարեցնելու նախաձեռնությամբ... Դա
համապատասխանում է մեր
դիրքորոշմանը, և մենք դա շատ ենք կարևորում»,- ընդգծել է դիվանագետը։
Ֆիդանը նաև հայտարարել է, որ իր երկիրը պատրաստ է Ուկրաինայի
հարցով խաղաղ բանակցություններ կազմակերպել իր տարածքում և կարծում է, որ խաղաղ կարգավորումը պետք է իրականացվի
հակամարտության երկու կողմերի մասնակցությամբ։
«Պատերազմի
սկսվելուց անմիջապես հետո մենք կողմերին հավաքեցինք Ստամբուլում։ Մենք շարունակեցինք մեր
դիվանագիտական աշխատանքը խաղաղ լուծում գտնելու ուղղությամբ։ Այսօր մենք մտնում ենք պատերազմի չորրորդ տարվա մեջ։ Մենք տեսնում ենք ԱՄՆ-ի նախաձեռնած բանակցությունները, որոնք համընկում են մեր դիրքորոշման և ջանքերի հետ: Միևնույն ժամանակ, մենք կարծում ենք, որ լուծումը
կարելի է գտնել բանակցությունների միջոցով երկու կողմերի մասնակցությամբ։ Այս
համատեքստում մենք պատրաստ ենք ցուցաբերել ամեն հնարավոր աջակցությունը, պատրաստ ենք ընդունել խաղաղ բանակցությունները։ Խաղաղ
կարգավորումը շտապ անհրաժեշտ է»,- ասել է Ֆիդանը։
