Ռուսաստանն ու Ուկրաինան 2022 թվականի գարնանը Ստամբուլում կայացած բանակցություններում «հավանաբար ժամ էին պակաս խաղաղության համաձայնագրից», ասել է Ռուսաստանի արտգործնախարար Սերգեյ Լավրովը։
Նրա խոսքով՝ Ուկրաինայի նախագահ Վլադիմիր Զելենսկին «իր դիրքորոշումն ավելի հաճախ է փոխում, քան կանաչ շապիկները»։ «Հակամարտության պարզ սառեցումը մեզ ձեռնտու չէ, մենք արդեն փորձել ենք այդ տարբերակը»,- ասել է Լավրովը:
«ԱՄՆ նախագահ Դոնալդ Թրամփը խոստովանել է, որ Ուկրաինային ՆԱՏՕ ներքաշելու գիծը
սխալ էր, և մենք ողջունում ենք դա։ ԱՄՆ-ը պետք է հատուկ ներկայացուցչություն նշանակի
ՌԴ-ի հետ Ուկրաինայի հարցով երկխոսության համար»,- ասել է նա՝ հավելելով, որ
«Ռուսաստանն ու ԱՄՆ-ն այս շաբաթ լիարժեք խորհրդակցություններ կանցկացնեն
դիվանագիտական ներկայացուցչությունների աշխատանքը նորմալացնելու ուղղությամբ»։
Մոսկվան
«պատրաստ է բանակցություններ վարել» Ուկրաինայի հարցով, բայց «ռազմական գործողությունները
կդադարեն միայն արդյունքի դեպքում, որը կգոհացնի ռուսական կողմին», հայտարարել է
Ռուսաստանի արտգործնախարար Սերգեյ Լավրովը Թուրքիայի արտգործնախարար Հաքան Ֆիդանի
հետ բանակցությունների արդյունքներով մամուլի ասուլիսում։
