Ադրբեջանը
«հասկանում է Ռուսաստանի հետ դաշինքի կարևորությունը», և Մոսկվան «ակնկալում է, որ
Բաքուն իր հետագա քայլերում դրանով կառաջնորդվի», լրագրողներին ասել է ՌԴ
փոխարտգործնախարար Միխայիլ Գալուզինը` պատասխանելով Բաքվում Ռուսական տան և «Սպուտնիկ-Ադրբեջան»
լրատվական գործակալության փակման ֆոնին երկրների հարաբերությունների մասին հարցին։
Գալուզինը վստահություն է հայտնել, որ Բաքուն «հասկանում է Ռուսաստանի և
Ադրբեջանի միջև դաշնակցային փոխգործակցության կարևորությունը»։
«Կցանկանայի
հուսալ, որ մեր ադրբեջանցի գործընկերներն իրենց հետագա քայլերում կառաջնորդվեն մեր
ղեկավարների պայմանավորվածությունների կատարման բացառիկ կարևորության ըմբռնումով առ այն, ինչ վերաբերում է մեր
հարաբերությունների համալիրին»,- հավելել է
նա։
