Այսօր Էր Ռիադում ՌԴ ԱԳՆ ներկայացուցիչների մասնակցությամբ ոչ մի հանդիպում տեղի չի ունենում: Այս մասին հայտնել է ՌԴ ԱԳՆ-ն։

Նախարարությունը այլ մեկնաբանություն չի տվել։ Նաև չի հստակեցվել, թե Էր Ռիադում որևէ այլ հանդիպում տեղի ունենո՞ւմ է, թե՞ ոչ։  

Միևնույն ժամանակ, ՌԴ նախագահի մամուլի քարտուղար Դմիտրի Պեսկովը, պատասխանելով փետրվարի 25-ին Էր Ռիադում կայանալիք հանդիպման վերաբերյալ արևմտյան լրատվամիջոցների տեղեկատվության մասին հարցին, հայտարարել է, որ «հաջորդ շփումները հերթում են՝ դրանք շփումներ են արտաքին գործերի նախարարությունների միջև, շփումներ փորձագիտական ​​մակարդակով, ուստի խորհուրդ եմ տալիս այդ հանդիպման մասին տեղեկությունների համար դիմել ԱԳՆ»։

 Պեսկովի խոսքով՝ այդպիսի բանակցություններում կքննարկվեն երկխոսության կարգավորմանն ուղղված միջոցները։ Նա նաև պարզաբանել է, որ առաջին հերթին դիվանագիտական ​​գերատեսչությունների աշխատանքը նորմալացնելու միջոցառումները փոխադարձության հիման վրա «կքննարկվեն փորձագիտական ​​մակարդակով հենց այդ բանակցություններում»։

Ինչպես արդեն հայտնել ենք, այսօր առավոտյան գերմանական Die Zeit-ը, հղում անելով դիվանագիտական ​​աղբյուրներին, հայտնել էր, որ Էր Ռիադում տեղի է ունենալու ռուս-ամերիկյան պատվիրակությունների երկրորդ հանդիպումը։ Թերթը չէր հստակեցրել, թե ովքեր են մասնակցելու հանդիպմանը։ Աղբյուրների տեղեկություններով՝ այդ հանդիպումը պետք է լիներ փետրվարի 18-ին Սաուդյան Արաբիայի մայրաքաղաքում տեղի ունեցած բանակցությունների շարունակությունը։