Թուրքիայի նախագահի
աշխատակազմը հերքել է ադրբեջանական լրատվամիջոցներում տարածված լուրերը սպառազինությամբ բեռնված ինքնաթիռներ Պակիստան
ուղարկելու մասին։
«Որոշ լրատվամիջոցների պնդումները, թե Թուրքիան Պակիստան է ուղարկել զենքով բեռնված վեց ինքնաթիռ, իրականությանը չեն համապատասխանում: Թուրքիայից թռիչք կատարած մեկ տրանսպորտային ինքնաթիռ Պակիստանում վայրէջք է կատարել միայն վառելիքի լիցքավորման համար, որից հետո շարունակել է իր երթուղին»,- հայտարարել են Ռեջեփ Թայիփ Էրդողանի վարչակազմի հաղորդակցության հարցերով վարչությունից:
Նրանք նման հրապարակումները անվանել են շահարկումներ և կոչ են արել կենտրոնանալ բացառապես լիազորված անձանց ու պաշտոնական հաստատությունների հայտարարությունների վրա։
