ԱՄՆ նախագահ
Դոնալդ Թրամփի վարչակազմը «Ազատ Եվրոպա/Ազատություն ռադիոկայան» (RFE/RL) մեդիա
կորպորացիային պետք է վճարի Կոնգրեսի կողմից արդեն հավանության արժանացած 12
միլիոն դոլար։ Այսպիսի որոշում է կայացրել դաշնային դատավոր Ռոյս Լամբերտը,
հաղորդում է AP-ն։
Դատավորը վճռել
է, որ վարչակազմը լիազորություն չունի միակողմանիորեն չեղարկելու Կոնգրեսի կողմից
հաստատված ֆինանսավորումը։ Դատարանի որոշումը նախատեսում է ժամանակավոր պաշտպանական
միջոց, որպեսզի ԱՄՆ Գլոբալ մեդիայի հարցերով գործակալությունը (USAGM) ապահովի արդեն
ապրիլին РСЕ/РС-ին
միջոցների վճարումը։
Մեդիա կորպորացիայի փաստաբանների տեղեկություններով՝ Թրամփի վարչակազմը խզել է արտահաստիքային լրագրողների հետ
կնքված պայմանագրերի մեծ մասը, ուշացրել է վարձավճարները և աշխատանքից ազատել 122
աշխատակցի։ Եթե ֆինանսավորումը չվերականգնվեր, մայիսի 1-ից նախատեսվում էին ավելի շատ
կրճատումներ և պայմանագրերի չեղարկումներ։
Մինչև 2025 թվականի հոկտեմբերը «Ազատություն»
ռադիոկայանը պետք է ԱՄՆ կառավարությունից ստանա ևս 77 միլիոն դոլար, որը նույնպես նախատեսվել
է Կոնգրեսի կողմից։
«Ազատություն» ռադիոկայանը անկախ մեդիա կորպորացիա է, որը հիմնադրվել է 1953
թվականին: Այն ֆինանսավորվում է USAGM-ի՝ ԱՄՆ Գլոբալ մեդիայի հարցերով
գործակալության կողմից:
