Ռուսաստանի նախագահ Վլադիմիր Պուտինը շնորհավորական նամակ է հղել Ադրբեջանի
նախագահ Իլհամ Ալիևին մայիսի 28-ի՝ Անկախության օրվա կապակցությամբ։
Պուտինը նշել է, որ Ադրբեջանը վստահորեն շարժվում է «սոցիալ-տնտեսական
զարգացման ճանապարհով և համաշխարհային ասպարեզում վայելում է աճող հեղինակություն»։
«Ռուս-ադրբեջանական
հարաբերությունները բարեկամական և դաշնակցային բնույթ են կրում։ Վստահ եմ, որ համատեղ ջանքերով մենք կկարողանանք
ապահովել կառուցողական երկկողմ համագործակցության և միջազգային հարցերում
գործընկերային
փոխգործակցության հետագա ընդլայնումը։ Սա
լիովին համապատասխանում է մեր ժողովուրդների շահերին, ընթանում
է Հարավային Կովկասում և Կասպյան տարածաշրջանում անվտանգության և կայունության
ամրապնդման հունով։
Մաղթում եմ
Ձեզ, հարգելի Իլհամ Հեյդարովիչ, առողջություն և հաջողություններ,
իսկ Ադրբեջանի Հանրապետության բոլոր քաղաքացիներին՝ խաղաղություն և բարգավաճում»,-
ասվում է նամակում։
