ՀՀ առողջապահության նախարար Անահիտ Ավանեսյանը հյուրընկալել է ցրված սկլերոզ ախտորոշում ունեցող շահառուներին:
Այս մասին սոցցանցի իր էջում նախարարը գրում է.
«Այսօր հյուրընկալել էինք ցրված սկլերոզ ախտորոշում ունեցող մեր շահառուներին:
Հաճելի ու մտերմիկ զրույց ունեցանք, քննարկեցինք առողջական խնդիրներ ունեցող մարդկանց կողմից հաղթահարվող բարդությունները. հիացած եմ, թե ինչքան ուժեղ են և լավատեսությամբ են լցված:
Շնորհակալ են նաև պետությանը, որը շատ անհրաժեշտ ու սպասված դեղերի ապահովումով փոխել է իրենց կյանքը:
Դեղը բավականին թանկարժեք էր, պացիենտների համար մեծ խնդիր էր ներկայացնում`մեծ մասի մոտ տարեկան 5.5 մլն դրամ:
Իսկ այսօր արդեն այն պետական պատվերի շրջանակում տրամադրում ենք:
430 պացիենտ այսօր ստանում է նոր և թանկարժեք դեղերն`անվճար:
Սա հնարավոր է դարձել յուրաքանչյուրիս վճարած հարկերի շնորհիվ: Շնորհակալ ենք»:
