Apple-ը ցուցադրել է iOS 26-ը՝ իր նոր օպերացիոն համակարգը, որը կբերի մեծ փոփոխություններ iPhone-ի դիզայնի, արհեստական բանականության և հավելվածների մեջ։ Նոր տարբերակը ներառում է «Liquid Glass»՝ նոր տեսողական ոճ, խելացի Apple Intelligence գործիքներ, որոնք կդարձնեն iPhone-ը ավելի հարմար և ինտուիտիվ, ինչպես նաև բազմաթիվ թարմացումներ հիմնական հավելվածներում։

«Liquid Glass»՝ նոր դիզայն

iOS 26-ի ամենամեծ արտաքին փոփոխությունը «Liquid Glass» դիզայնն է։ Այժմ հավելվածների պատկերները և կառավարման կոճակները կունենան թափանցիկ ու գեղեցիկ տեսք, ստեղծելով ավելի հաճելի և մաքուր միջերես։

Արհեստական բանականություն՝ ավելի խելացի iPhone

iOS 26-ը ներառում է Apple Intelligence, որն օգնում է iPhone-ին հասկանալ էկրանի բովանդակությունը և առաջարկել համապատասխան գործողություններ։ Live Translation գործիքը թույլ կտա իրական ժամանակում թարգմանել խոսակցությունները տարբեր լեզուներով։

Թարմացված հավելվածներ

• Հեռախոսը կկարողանա ինքնուրույն պատասխանել անծանոթ համարներից զանգերին, պարզել դրանց նպատակը և առաջարկել ձեզ՝ պատասխանելու կամ ոչ։
• Messages-ը կօգնի հեշտացնել հաղորդագրությունների կազմակերպումը՝ թույլ տալով ֆիլտրել ու դասակարգել դրանց կարևորությունը։
• CarPlay, Apple Music, Maps և Wallet հավելվածները նույնպես ստացել են կարևոր թարմացումներ։

Ե՞րբ կհասանելի լինի

iOS 26-ի փորձնական տարբերակը կլինի այս ամռանը, իսկ ամբողջական թողարկումը սպասվում է 2025-ի աշնանը, iPhone 17-ի հետ միասին։