ԱՄՆ Պետդեպարտամենտի մամուլի խոսնակ Թեմի Բրյուսը հայտարարել է, որ Վաշինգտոնը կշարունակի աջակցել Ուկրաինային՝ ռազմական օգնության ծրագրերը չդադարեցնելով։
Նրա խոսքով՝ վերջին ժամանակահատվածում արձանագրված դադարը չպետք է ընկալվի որպես քաղաքականության փոփոխություն, այլ եղել է ծրագրերի պլանային վերանայում։
«Մենք եղել ենք ու մնում ենք Ուկրաինայի ամենամեծ աջակիցները։ Մենք հոգ ենք տանում այդ ժողովրդի մասին և ցանկանում ենք, որ նրանք ունենան իրենց պաշտպանության համար անհրաժեշտ ամեն բան», — ասել է Բրյուսը։
Նա նաև ընդգծել է, որ ԱՄՆ նախագահ Դոնալդ Թրամփը «հստակ մտադրված է» աջակցել Ուկրաինային՝ հատկապես՝ քաղաքացիական զոհերի և հրադադարի հաստատելու հարցերում։
«Մենք օգնություն ենք ցուցաբերել և կշարունակենք ցուցաբերել։ Դա մեր դիրքորոշումն է, և այն մնում է անփոփոխ», — ամփոփել է Պետդեպարտամենտի խոսնակը։
