ԱՄՆ նախագահ Դոնալդ Թրամփն առաջին անգամ կօգտվի
նախագահական լիազորություններից, որպեսզի Ուկրաինային զենքի նոր խմբաքանակ ուղարկի՝
առանց ԱՄՆ Կոնգրեսի հավանության։ Այս մասին հայտնել է Reuters-ը՝ հղում անելով քաջատեղյակ
աղբյուրներին։
Գործակալության զրուցակիցների խոսքով՝ Թրամփը
կօգտագործի PDA-ն (Presidential Drawdown Authority) նախագահական հրամանագրով
Ուկրաինա զենք ուղարկելու համար, և Կոնգրեսի հավանությունը դրա համար պարտադիր չէ։
Հատկացվելիք օգնության փաթեթի ծավալը կկազմի մոտ 300 միլիոն դոլար։
Դրանում կարող են մտնել Patriot համալիրների հրթիռներ,
HIMARS համակարգերի GMLRS արկեր և միջին հեռահարության հարձակողական հրթիռներ:
Հուլիսի 7-ին Թրամփը հայտարարել էր, որ ԱՄՆ-ն Ուկրաինային կմատակարարի ավելի շատ
զենք, հիմնականում՝ պաշտպանական, փոխանցում է DW-ն:
«Մենք պետք է դա անենք: Նրանք պետք է պաշտպանվելու
հնարավորություն ունենան: Այժմ նրանց հասցնում են շատ հզոր հարվածներ»,- այդ
ժամանակ ասել էր հանրապետականը:
