ՀՀ կառավարության կողմից 2025 թվականին իրականացվող սուբվենցիոն ծրագրի շրջանակներում Գեղարքունիքի մարզի Գավառ համայնքի Սարուխան բնակավայրում մեկնարկել են փողոցների ասֆալտապատման աշխատանքները։ Այս մասին հայտնում են Գեղարքունիքի համայնքապետարանից։
Ծրագրով նախատեսված է հիմնանորոգել բնակավայրի Գոքոյան, Քիշոյան, Դեմիրճյան, Քուչակի առաջին և Քուչակի երկրորդ փողոցները։
Մեկնարկը տրվել է Գոքոյան փողոցից, որտեղ կատարվում է հին ծածկի քանդում, անցկացվելու է ջրահեռացման համակարգ, կառուցվելու են մայթեր։
Ծրագրի ընդհանուր արժեքը 140 մլն 500 հազար դրամ է։
Գումարը համամասնորեն հատկացվելու է պետական և համայնքի բյուջեներից։ Կապալառուն՝ «Գավառի ՃՇՇ» ԲԲԸ-ն է։
