«Արմենիան Քարդ» ՓԲԸ-ն տեղեկացրել է, որ ժամը 15:25-ից սկսած Arca համակարգի բնականոն աշխատանքը լիովին վերականգնվել է։
«Մեր տեխնիկական թիմը գործել է առավելագույն արագությամբ՝ ապահովելու համակարգի կայունության և գործունակության վերականգնումը հնարավորինս սեղմ ժամկետներում։
Առաջացած տեխնիկական խափանման համար հայցում ենք Ձեր ներողամտությունը՝ պատճառված հնարավոր անհարմարությունների համար, և գնահատում ենք Ձեր ըմբռնումն ու վստահությունը»,- ասված է ընկերության հաղորդագրության մեջ:
Ավելի վաղ հայտնել էինք Arca համակարգի ծառայությունների աշխատանքում ժամանակավոր խափանումների մասին:
