Քրեակատարողական ծառայությունում ամփոփվել են 2025 թվականի առաջին կիսամյակի գործունեության արդյունքները։ Հաշվետու ժամանակահատվածում Ծառայությունը քրեակատարողական հիմնարկներում իրականացրել է մեծածավալ շինվերանորոգման և բարեկարգման աշխատանքներ ազատազրկված անձանց պահման և անձնակազմի աշխատանքային պայմանները բարելավելու ուղղությամբ։ Այս մասին տեղեկացնում են ՔԿԾ-ից:
Այսպես՝ «Աբովյան» քրեակատարողական հիմնարկում վերանորոգվել են․
- մեկուսարանի մասնաշենքն ամբողջությամբ,
- վարչական մասնաշենքն ամբողջությամբ։
«Արթիկ» քրեակատարողական հիմնարկում վերանորոգվել են․
- մասնաշենքերի միջանցքներ, խաղասենյակներ,
- 7 կացարան, 3 խուց, 3 պատժախուց,
- 4 սանհանգույց, լոգասենյակ,
- սննդի պահման սենյակներ,
- բնակելի մասնաշենքում սոցիալական, հոգեբանական և իրավական աշխատանքների բաժնի աշխատասենյակ։
«Վանաձոր» քրեակատարողական հիմնարկում վերանորոգվել են․
- 3 խուց, կարանտինային մասնաշենքի 2 խուց և միջանցքը, 2 կացարան,
- սանհանգույց, լոգարան,
- քննչական գործողությունների համար նախատեսված 3 սենյակ,
- պատժախցերի, քննչական գործողությունների, կարճատև և երկարատև տեսակցությունների սենյակների, հերթապահ մասի միջանցքները։
«Երևան-Կենտրոն» քրեակատարողական հիմնարկում վերանորոգվել են․
- մարզասրահ,
- լոգասենյակ,
- սալիկապատվել են սանհանգույցի պատերը և հատակը, մոնտաժվել են ջրագծեր,
- տեղադրվել է նոր ջրատաքացուցիչ։
«Արմավիր» քրեակատարողական հիմնարկում վերանորոգվել են․
- կարճատև տեսակցությունների սենյակ, մանկական սենյակ, կարանտինային մասնաշենքի 2 խուց, բնակելի գոտու նախամուտք,
- սպասասրահ, հանձնուքների ընդունման, օպերատիվ կառավարման, անձնակազմի հանգստի սենյակները,
- կառուցվել է բժշկական քարտադարանի համար նախատեսված սենյակ։
«Վարդաշեն» քրեակատարողական հիմնարկում վերանորոգվել են․
- 1 խուց, կարանտինային 3 խուց և միջանցք,
- երկարատև տեսակցությունների սենյակ,
- պահպանության ապահովման բաժնի աշխատասենյակներ, հանգստի սենյակ, ճաշասենյակ, նախամուտք, զինանոց, միջանցք։
«Սևան» քրեակատարողական հիմնարկում վերանորոգվել են․
- ջեռուցման կաթսան, ծորակներ, ցնցուղներ,
- ամբողջությամբ փոխարինվել է 500 գծմ խմելու ջրի ջրագիծ։
«Նուբարաշեն» քրեակատարողական հիմնարկում վերանորոգվել են․
- 10 խուց, երկարատև տեսակցությունների սենյակ,
- նոր կահույքով կահավորվել է երկարատև տեսակցությունների 2 սենյակ։
