Համաձայնագիրը, որը կստորագրեն Հայաստանը և Ադրբեջանը, կդառնա խաղաղության պայմանագրի սկիզբը։ Այս մասին լրագրողներին հայտնել է ԱՄՆ պետքարտուղար Մարկո Ռուբիոն։

Նրա խոսքով՝ ԱՄՆ նախագահը հանդես է գալիս հօգուտ խաղաղության և կպահպանի իր խաղաղասեր դիրքորոշումը:

«Մենք միջամտել ենք Հնդկաստանի և Պակիստանի միջև հակամարտությանը, և մեր պետության ղեկավարը կարողացավ վերականգնել խաղաղությունը։ Վերջերս նմանատիպ դեպք տեղի ունեցավ Կամբոջայում և Թաիլանդում։ Մենք հույս ունենք, որ դրան կհասնենք նաև Ադրբեջանի և Հայաստանի հարցում. ուրբաթ օրը մենք կստորագրենք համաձայնագիր, որը կդառնա խաղաղության պայմանագրի սկիզբը»։