Սպիտակ տունը հայտարարել է, որ ԱՄՆ նախագահ Դոնալդ Թրամփը համաձայնել է հանդիպել Ռուսաստանի նախագահ Վլադիմիր Պուտինի հետ այն բանից հետո, երբ Պուտինն է նրան խնդրել:

Հարցին, թե ինչու Ալյասկայի գագաթնաժողովին, որը նվիրված է Ուկրաինայում պատերազմը դադարեցնելու ուղիների որոնմանը, չի հրավիրվել Ուկրաինայի նախագահ Վլադիմիր Զելենսկին, Սպիտակ տան մամուլի քարտուղար Քերոլայն Լիվիթը պատասխանել է. «Ռուսաստանի նախագահը խնդրել է Միացյալ Նահանգների նախագահին հանդիպել հատուկ ներկայացուցիչ Սթիվ Ուիթքոֆի միջոցով, որը Ռուսաստան էր եկել Պուտինի հետ խոսելու նրա խնդրանքով։ Այդ պատճառով նախագահը համաձայնել է այս հանդիպմանը նախագահ Պուտինի խնդրանքով, և նախագահի համար այս հանդիպման նպատակն է ավելի լավ հասկանալ, թե ինչպես կարող ենք վերջ դնել այս պատերազմին»։ Լիվիթի խոսքով՝ Թրամփը «հույս ունի», որ եռակողմ հանդիպում նույնպես կկայանա։

Սպիտակ տունը նաև հաստատել է, որ Պուտին-Թրամփ հանդիպումը տեղի կունենա Անքորիջում, «չնայած քննարկվել են այլ վայրեր»։