«Հայք» լիբերալ կուսակցությունը դատական որևիցե հայց չի ներկայացրել և չի պատրաստվում ներկայացնել. Հայկ Մաղաքելյան

 «Հայք» լիբերալ կուսակցության անդամ Հայկ Մաղաքելյանը ֆեյսբուքի իր էջում գրել է.

Խստորեն դատապարտելով կուսակցության անունից դատական հայց ներկայացնելու մասին կեղծ տեղեկատվության տարածումը՝ տեղեկացնում ենք, որ այդ հայտարարությունները ապօրինի են, և որևիցե անձ կամ անձանց խումբ իրավասու չէ կուսակցության անունից նմանօրինակ հայտարարություններ անելու, իսկ ստեղծված իրավիճակում նման կեղծ տեղեկատվության տարածումը ունենալու է իրավական հետևանք:

Ավելի վաղ հայտնել էինք, որ  «Հայք» լիբերալ կուսակցությունը որոշում էր կայացրել հրաժարվել ավագանու բոլոր մանդատներից, ինչը ավագանու ցուցակում ընդգրկված որոշ թեկնածուների կողմից չի կատարվել:  

Կուսակցության որոշումները չկատարող այդ անձանցից «Հայք» լիբերալ կուսակցությունը պահանջում է՝ դուրս գալ կուսակցությունից և հետայսու քաղաքական հանգրվան գտնել այն կուսակցությունում կամ քաղաքական ուժերի մոտ, որոնց որոշումներին ենթարկվում և առաջնորդվում են»: