«Հայաստան» դաշինքը տեխնիկական պատճառով մերժված լսումները որոշել է շահարկել քաղաքական նպատակներով՝ շոուն ապահովելու համար
Քաղաքականություն
«Հայաստան» դաշինքը այսօր տարածած իր հայտարարությամբ «գուժել» է «իշխանությունների կողմից Հայաստան-Թուրքիա հարաբերությունների մասին խորհրդարանական լսումներին ապօրինաբար խոչընդոտելու վերաբերյալ»։ «Գույժի» տեքստում մասնավորապես նշված է. «Օրվա քաղաքական իշխանությունը, հերթական անգամ խախտելով Սահմանադությունն ու օրենքները, մինչև ապրիլի 24-ը հրաժարվում է Ազգային ժողովում «Հայաստան» խմբակցության նախաձեռնած լսումների անցկացման համար տրամադրել Ազգային ժողովի դահլիճը և ուղիղ հեռարձակում ապահովել՝ ներկայացնելով անհիմն տեխնիկական պատճառաբանություն: Ազգային ժողովի՝ Հայաստան-Թուրքիա հարաբերությունների կարգավորման վերաբերյալ հայտարարության նախագծին նվիրված խորհրդարանական լսումները նախատեսված էր անցկացնել ապրիլի 21-ին: Լսումների նպատակն էր լայն հանրությանը ներկայացնել այն «կարմիր գծերը», որոնք պետք է ուղեցույց դառնան Հայաստանի և Թուրքիայի միջև հարաբերությունների կարգավորման հարցերը քննարկելիս: Իշխանությունների նախաձեռնած՝ Հայաստան-Թուրքիա հարաբերությունների կարգավորման ներկայիս ընթացքը, դրանից բխող սպառնալիքների չգիտակցումը և դրսևորած այս ապօրինի վարքագիծը վկայում են, որ նրանք ուղղակի կամ անուղղակի գնում են թուրք-ադրբեջանական տանդեմի շահերը սպասարկելու ճանապարհով։ Մենք վճռական ենք և հետևողական Հայ ժողովրդի լինելության հիմքում գտնվող այս հարցը հետապնդելու գործում: Խորհրդարանական լսումների անցկացումը մնում է մեր օրակարգում, կկայանա առաջիկայում, որի մասին հավելյալ կտեղեկացնենք»:
Civic.am-ը պարզեց լսումների մերժման պատճառը։ ԱԺ-ից մեզ փոխանցեցին, որ 2022 թվականի ապրիլի 21-23-ը Ստեփանավանում տեղի է ունենալու Ազգային ժողովի և ՌԴ Դաշնային ժողովի միջև համագործակցության Միջխորհրդարանական հանձնաժողովի 34-րդ նիստը, և ԱԺ-ի տեխնիկական անձնակազմը, որն ապահովում է ԱԺ նիստերի ուղիղ հեռարձակումը, այդ օրը գտնվելու է Ստեփանավանում։ Պարզեցինք նաև, որ նախապես թույլ է տրվել լսումների անցկացումը, սակայն հետո մերժվել է՝ վերոհիշյալ տեխնիկական հանգամանքը հաշվի առնելով։ Սա նշանակում է, որ լսումների մերժման մասին «Հայաստան» խմբակցության հայտարարությունը, մեղմ ասած, չափազանցություն է, քանի որ մերժվել է խմբակցության կողմից նախանշված օրը լսումների անցկացումը, ինչից չի հետևում, որ լսումներն ընդհանրապես արգելվել են։ Անգամ տեխնիկական հարցերում քաղաքական ենթատեքստ փնտրող խմբակցությունն, ի դեպ, իր հայտարարության վերջին նախադասության մեջ նշում է, որ լսումները տեղի կունենան, սակայն՝ առաջիկայում։
Հիշեցնենք, որ շաբաթներ առաջ՝ մարտի 21-ին, ՀՀ ԱԺ «Պատիվ ունեմ» խմբակցությունն էր նախաձեռնել խորհրդարանական լսումներ՝ ««Ազգային ժողովի կանոնակարգ» սահմանադրական օրենքում լրացում կատարելու մասին» օրենքի նախագծի վերաբերյալ, որն անցավ ԱԺ նիստերի դահլիճում, տեխնիկական բարձր որակի ապահովմամբ, առանց «դավադրական» խոչընդոտների։
Civic.am-ը պարզեց լսումների մերժման պատճառը։ ԱԺ-ից մեզ փոխանցեցին, որ 2022 թվականի ապրիլի 21-23-ը Ստեփանավանում տեղի է ունենալու Ազգային ժողովի և ՌԴ Դաշնային ժողովի միջև համագործակցության Միջխորհրդարանական հանձնաժողովի 34-րդ նիստը, և ԱԺ-ի տեխնիկական անձնակազմը, որն ապահովում է ԱԺ նիստերի ուղիղ հեռարձակումը, այդ օրը գտնվելու է Ստեփանավանում։ Պարզեցինք նաև, որ նախապես թույլ է տրվել լսումների անցկացումը, սակայն հետո մերժվել է՝ վերոհիշյալ տեխնիկական հանգամանքը հաշվի առնելով։ Սա նշանակում է, որ լսումների մերժման մասին «Հայաստան» խմբակցության հայտարարությունը, մեղմ ասած, չափազանցություն է, քանի որ մերժվել է խմբակցության կողմից նախանշված օրը լսումների անցկացումը, ինչից չի հետևում, որ լսումներն ընդհանրապես արգելվել են։ Անգամ տեխնիկական հարցերում քաղաքական ենթատեքստ փնտրող խմբակցությունն, ի դեպ, իր հայտարարության վերջին նախադասության մեջ նշում է, որ լսումները տեղի կունենան, սակայն՝ առաջիկայում։
Հիշեցնենք, որ շաբաթներ առաջ՝ մարտի 21-ին, ՀՀ ԱԺ «Պատիվ ունեմ» խմբակցությունն էր նախաձեռնել խորհրդարանական լսումներ՝ ««Ազգային ժողովի կանոնակարգ» սահմանադրական օրենքում լրացում կատարելու մասին» օրենքի նախագծի վերաբերյալ, որն անցավ ԱԺ նիստերի դահլիճում, տեխնիկական բարձր որակի ապահովմամբ, առանց «դավադրական» խոչընդոտների։