Էստոնիայում ՀՀ նորանշանակ դեսպան Արա Մարգարյանը իր հավատարմագրերն է հանձնել Էստոնիայի նախագահին
Հայաստան
Փետրվարի 28-ին Էստոնիայի Հանրապետությունում ՀՀ նորանշանակ դեսպան Արա Մարգարյանը (նստավայր՝ Վիլնյուս) իր հավատարմագրերն է հանձնել Էստոնիայի նախագահ Ալար Կարիսին։ Այդ մասին հայտնում են ՀՀ ԱԳՆ-ից։
Նախագահ Ալար Կարիսը շնորհավորել է դեսպան Արա Մարգարյանին և վստահություն հայտնել, որ նա իր դիվանագիտական առաքելությունը կծառայեցնի հայ-էստոնական հարաբերությունների հետագա զարգացմանը, քաղաքական երկխոսության խորացմանն ու փոխշահավետ առևտրա֊տնտեսական համագործակցության ընդլայնմանը։
Երկուստեք կարևորվել են ընդհանուր արժեքների վրա հիմնված երկու երկրների և ժողովուրդների բարեկամական հարաբերությունները։
Արա Մարգարյանը ներկայացրել է Հայաստանի կառավարության ջանքերը՝ ուղղված երկրում ժողովրդավարության ու իրավունքի գերակայության ամրապնդմանը, և շնորհակալություն հայտնել այդ գործընթացներին աջակցելու Էստոնիայի պատրաստակամության համար։
Զրուցակիցները քննարկել են նաև ԵՄ շրջանակում Հայաստանի և Էստոնիայի միջև գործընկերությանն առնչվող հարցեր։
Հանդիպման ընթացքում քննարկվել են միջազգային և տարածաշրջանային անվտանգությանն առնչվող հարցեր: Արա Մարգարյանն անդրադարձել է Հարավային Կովկասում անվտանգային իրավիճակին և Հայաստան-Ադրբեջան հարաբերությունների կարգավորման գործընթացի վերջին զարգացումներին։ Ներկայացնելով Հայաստանի կառավարության խաղաղության օրակարգն ու տարածաշրջանային կապուղիների ապաշրջափակման «Խաղաղության խաչմերուկ» ծրագիրը՝ դեսպան Մարգարյանը կարևորել է միջազգային գործընկներների, մասնավորապես՝ Էստոնիայի աջակցությունը դրանց կյանքի կոչման հարցում:
Կարդացեք նաև
31 օգոստոս 2021, 22:18
Նախագահ Արմեն Սարգսյանը շնորհավորել է Էստոնիայի նորընտիր նախագահ Ալար Կարիսին
22 փետրվար 2024, 22:33
Արա Մարգարյանը նշանակվել է Էստոնիայում Հայաստանի արտակարգ և լիազոր դեսպան
16 հունվար 2023, 16:30
Նախագահ Վահագն Խաչատուրյանը հանդիպում է ունեցել Էստոնիայի նախագահ Ալար Կարիսի հետ
16 հունվար 2023, 22:07
ՀՀ և Էստոնիայի նախագահները վերահաստատել են միջպետական հարաբերությունները խորացնելու պատրաստակամությունը
24 փետրվար 2022, 16:05
Վարչապետը շնորհավորական ուղերձ է հղել Էստոնիայի վարչապետին
17 հունվար 2023, 14:09
Էստոնիայի նախագահը աջակցություն է հայտնել ՀՀ և Ադրբեջանի սահմանի երկայնքով ԵՄ դիտորդական առաքելության տեղակայմանը