ԵԱՀԿ-ում Նորվեգիայի ներկայացուցիչը Ադրբեջանին և Ռուսաստանին կոչ է արել վերականգնել ազատ տեղաշարժը Լաչինի միջանցքով
Միջազգային
ԵԱՀԿ-ում Նորվեգիայի մշտական ներկայացուցիչ Անն-Քրիստի Կարլսենը Հայաստանի կողմից հրավիրված ԵԱՀԿ Մշտական խորհրդի հատուկ նիստում իր ելույթում խոր մտահոգություն է հայտնել Լաչինի միջանցքի շարունակական շրջափակման ու ահագնացող հումանիտար ճգնաժամի կապակցությամբ։
«Մենք ամենավճռական կերպով կրկնում ենք մեր կոչն Ադրբեջանի կառավարությանը, ինչպես նաև Ռուսաստանի Դաշնությանը՝ վերականգնել ազատ տեղաշարժը Լաչինի միջանցքով»,- ասել է դիվանագետը:
Նա նշել է, որ Նորվեգիան աջակցում է ինչպես Հայաստանի, այնպես էլ Ադրբեջանի ինքնիշխանությանն ու տարածքային ամբողջականությանը։ Նրա խոսքով՝ Ադրբեջանի և Հայաստանի միջև խաղաղությունը և Թուրքիայի ու Հայաստանի միջև հարաբերությունների կարգավորումը պայմաններ կստեղծեին տարածաշրջանի ավելի լավ ինտեգրման և բարգավաճման համար։
Դիվանագետն աջակցություն է հայտնել ԵՄ միջնորդությամբ ընթացող բանակցություններին, միևնույն ժամանակ, կոչ արել կողմերին սերտորեն համագործակցել ԵԱՀԿ-ի և այլ միջազգային կազմակերպությունների հետ՝ կայունության հասնելու նպատակով։
«Վերջապես, ես կցանկանայի ընդգծել, որ մենք հասել ենք այս կազմակերպության պատմության կրիտիկական կետին: Այս խաչմերուկում կանգնած՝ մենք պետք է ճիշտ որոշումներ կայացնենք, որպեսզի կառուցողական և նախաձեռնող ներդրում ունենանք ընդհանուր խնդիրների լուծումներ գտնելու գործում: Մենք բարձր ենք գնահատում Հայաստանի վերջին ջանքերն այս ուղղությամբ»,- եզրափակել է ԵԱՀԿ-ում Նորվեգիայի ներկայացուցիչը։
«Մենք ամենավճռական կերպով կրկնում ենք մեր կոչն Ադրբեջանի կառավարությանը, ինչպես նաև Ռուսաստանի Դաշնությանը՝ վերականգնել ազատ տեղաշարժը Լաչինի միջանցքով»,- ասել է դիվանագետը:
Նա նշել է, որ Նորվեգիան աջակցում է ինչպես Հայաստանի, այնպես էլ Ադրբեջանի ինքնիշխանությանն ու տարածքային ամբողջականությանը։ Նրա խոսքով՝ Ադրբեջանի և Հայաստանի միջև խաղաղությունը և Թուրքիայի ու Հայաստանի միջև հարաբերությունների կարգավորումը պայմաններ կստեղծեին տարածաշրջանի ավելի լավ ինտեգրման և բարգավաճման համար։
Դիվանագետն աջակցություն է հայտնել ԵՄ միջնորդությամբ ընթացող բանակցություններին, միևնույն ժամանակ, կոչ արել կողմերին սերտորեն համագործակցել ԵԱՀԿ-ի և այլ միջազգային կազմակերպությունների հետ՝ կայունության հասնելու նպատակով։
«Վերջապես, ես կցանկանայի ընդգծել, որ մենք հասել ենք այս կազմակերպության պատմության կրիտիկական կետին: Այս խաչմերուկում կանգնած՝ մենք պետք է ճիշտ որոշումներ կայացնենք, որպեսզի կառուցողական և նախաձեռնող ներդրում ունենանք ընդհանուր խնդիրների լուծումներ գտնելու գործում: Մենք բարձր ենք գնահատում Հայաստանի վերջին ջանքերն այս ուղղությամբ»,- եզրափակել է ԵԱՀԿ-ում Նորվեգիայի ներկայացուցիչը։
Կարդացեք նաև
19 հունվար 2023, 15:41
ԵՄ-ն Ադրբեջանին կոչ է արել ամբողջությամբ վերականգնել Լաչինի միջանցքով տեղաշարժվելու ազատությունը. Օստրաուսկայտեն
19 հունվար 2023, 16:11
Լաչինի միջանցքով ազատ տեղաշարժը պետք է անհապաղ վերականգնվի. Շվեյցարիայի ԱԳՆ
24 ապրիլ 2023, 09:36
Ֆրանսիան Ադրբեջանին կոչ է անում վերականգնել ազատ տեղաշարժը Լաչինի միջանցքով
17 հունվար 2023, 15:14
ԵԱՀԿ-ում Ֆրանսիայի ներկայացուցչությունը կոչ է արել անհապաղ և անվերապահորեն ապաշրջափակել Լաչինի միջանցքը
24 դեկտեմբեր 2022, 11:05
Մակրոնն Ալիևին կոչ է արել ապահովել Լաչինի միջանցքով ազատ տեղաշարժը
10 փետրվար 2023, 13:41
ԵԱՀԿ-ում ՀՀ մշտական ներկայացուցիչ Արմեն Պապիկյանը Մշտական խորհրդի նիստում ներկայացրել է Արցախում առաջացած մարդասիրական ճգնաժամային իրավիճակը