Եթե կա գիտական այլ տեսակետ՝պատրաստ ենք լսել, այլապես պետք չէ քաղաքից այդ ժամանակը խլել. Ավինյանը՝ թեղիների փոխարինման մասին

Այսօր՝ ապրիլի 8-ին, Երևանի քաղաքապետարանի գործակարգավարական խորհրդակցությանը Երևանի քաղաքապետ Տիգրան Ավինյանը, դիմելով «Կանաչապատում եւ շրջակամիջավայրի պաշտպանություն» ՀՈԱԿ-իտնօրեն Արմեն Բեգոյանին, հիշեցրեց, որ նախորդ շաբաթ էկտոակտիվիստների հետ հանդիպմանը ինքը նշել է, որ ժամանակավորապես կդադարեցվի ծառերի փոխարինման ծրագիրը, և ակնկալում էին, որ գիտական շրջանակներից պետք է ստացվեն գրավոր հիմնավոր փաստաթուղթ, որը հարցականի տակ կդներ նախորդ 28 գիտնականների փաստաթուղթը:

Ի պատասխան Արմեն Բեգոյանն ասաց, որ որևէ գիտնական մինչ այս պահը որևէ հակափաստարկ չի ներկայացրել. «Ավելին, Ազգային ակադեմիայում նախաձեռնվել էր քննարկում, որին մասնակցել են տարբեր շահագրգիռ գերատեսչություններ, և հիմնականում բոլոր հռետորները խոսում էին, որ թեղիները Երևան քաղաքից պետք է հանվեն»:
Նրա խոսքով՝ այս խնդիրը 2000 թվականից կախված է Երևանի գլխին. «Այդ փոխարինումը կտևի 10-20 տարի՝հաշվի առնելով Երևանում թեղիների մեծ քանակությունը»:

«Եթե կա գիտական դեբատ՝անցկացնենք, գուցե կան ճշմարտություններ, որ բաց ենք թողել: Եթե մյուս կողնից գիտական մակարդակի բան չկա, մնացածը սիրողական մակարդակի խոսակցություն է: Եթե կա գիտական մեկ այլ տեսակետ, մենք պատրաստ ենք դա լսել, եթե չկա, ուղղակի պետք չէ քաղաքից ժամանակը խլել»,- նշեց քաղաքապետ Տիգրան Ավինյանը՝ընթերցելով ավելի քան 24 գիտնականների եզրակացությունները: