Քաղաքացիակենտրոն
լրատվություն

Ադրբեջանական կողմի տարածած հաղորդագրությունը աբսուրդ է. Արցախի գազատարի փականը Ադրբեջանի վերահսկողության տակ գտնվող տարածքում է

Ադրբեջանական կողմի տարածած հաղորդագրությունը աբսուրդ է. Արցախի գազատարի փականը Ադրբեջանի վերահսկողության տակ գտնվող տարածքում է
Հասարակություն
17:31, 14 декабрь 2022
Ադրբեջանական «Ազերիգազ» ընկերությունը հաղորդագրություն է տարածել՝ նշելով, թե իբր ադրբեջանական կողմը կապ չունի Արցախի գազամատակարարման դադարեցման հետ։ Ընկերությունից նշել են, որ Արցախի տարածքում գազամատակարարումն իրականացվում է Հայաստանի կողմից, և այն ինտեգրված չէ Ադրբեջանի գազամատակարարման համակարգում։

ՀՀ ՏԿԵՆ-ից Civic.am-ի հետ զրույցում նշեցին, որ այս տարվա մարտի 7-ին, երբ Ադրբեջանի վերահսկողության տակ գտնվող տարածքում Արցախին գազ մատակարարող գազատարը պայթեցվել էր, Ադրբեջանը գազատարը վերանորոգելուց հետո  փական էր տեղադրել։  

«Ադրբեջանական կողմը ցանկացած ժամանակ գազատարի վրա տեղադրած փականը փակում է, և գազամատակարարումը դադարում է։ Այդ փականը Լաչինի միջանցքի հատվածում է, իսկ ադրբեջանական կողմի տարածած հաղորդագրությունը աբսուրդ է։ Իհարկե, գազը Հայաստանից է գալիս, բայց գազատարի վրա դրված փականը իրենց վերահսկողության  տակ է, որը տեղադրել են մարտի 7-ի վթարի ժամանակ»,- ասացին ՏԿԵ նախարարությունից։