Փոքր Վեդի, Նոր Ուղի, Գինեվետ, Այգավան և Արալեզ բնակավայրերում կկառուցվի գազատար
Տնտեսություն
Կառավարության 2022 թվականի սուբվենցիոն ծրագրով Վեդի համայնքում ևս մեկ կարևոր խնդիր կլուծենք. ֆեյսբուքի իր էջում գրել է Վեդի համայնքի պաշտոնակատար Գարիկ Սարգսյանը:
Ծրագրի արդյունքում համայնքի Փոքր Վեդի, Նոր Ուղի, Գինեվետ, Այգավան և Արալեզ բնակավայրերում կկառուցվի գազատար:
Արդյունքում բնակիչները ոչ միայն կապահովվեն կապույտ վառելիքով, այլ վերոնշյալ բնակավայրերում կավելանա տնտեսությունների թիվը, ինչպես նաև կստեղծվեն նպաստավոր պայմաններ բնակարանաշինության համար: Գազարատրի կառուցումից հետո կբարելավի բնակչության սպասարկումը և 20-30 տոկոսով կավելանան առանձնատների ինքնարժեքները:
Ի դեպ, ծրագրի իրականացման ընթացքում շուրջ 35 աշխատատեղ կլինի համայնքում: