Վահան Քերոբյանը և Ուզբեկստանի գյուղատնտեսության նախարարը քննարկել են ագրոարդյունաբերության բնագավառում համագործակցության հարցեր

Էկոնոմիկայի նախարար Վահան Քերոբյանի գլխավորած պատվիրակությունը Տաշքենդ կատարած այցի շրջանակում հանդիպել է Ուզբեկստանի գյուղատնտեսության նախարար Ազիզ Վոիտովի հետ։ Այդ մասին ասված է նախարարության Ֆեյսբուքի էջում։

 

 

«Հանդիպման ընթացքում քննարկվել են երկու երկրների՝ ագրոարդյունաբերության բնագավառում համագործակցությանը, գյուղատնտեսության մեջ չօգտագործված ներուժի ու հնարավորությունների օգտագործմանը վերաբերող հարցեր։ Կողմերը ներկայացրել են նաև երկու երկրներում գործող պետական աջակցության գործիքակազմը։

 

Առանձին անդրադարձ է կատարվել խաղողագործության, գինեգործության և ոգելից խմիչքների արտադրության ոլորտում համագործակցության հնարավորություններին։

 

Հանդիպման ավարտից հետո հայկական պատվիրակությանը ներկայացվել են Ուզբեկստանի գյուղատնտեսության թվայնացման ուղղությամբ իրականացվող աշխատանքներն ու ընթացիկ նախագծերը»,- նշված է գրառման մեջ։