Գեղարքունիքի մարզային փրկարարական վարչության ճգնաժամային կառավարման կենտրոն նոյեմբերի 24-ին, ժամը 13։35-ին ահազանգ է ստացվել, որ Նորատուս գյուղի Իշխան Ավետիսյան փողոցում այրվում է անասնակեր։

Այս մասին հաղորդագրություն է տարածել ՀՀ ՆԳՆ փրկարար ծառայությունը։  

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ հրդեհը բռնկվել է Իշխան Ավետիսյան փողոցի տներից մեկի բակում:

Հրդեհը մեկուսացվել է ժամը 15:02-ին, մարվել՝ 16։55-ին։ Այրվել են մոտ 400 հակ անասնակեր և խորդանոցի տանիքի փայտե կառուցատարրերը՝ մասնակի (մոտ 32 քմ)։