«Ես այդպիսի տվյալներ չունեմ, նման ինֆորմացիայի չեմ ծանոթացել ոչ ԱԱԾ ղեկավար եղած ժամանակ, ոչ նախագահ եղած ժամանակ»,- դատական նիստից հետո լրագրողներին ասաց ՀՀ երրորդ նախագահ Սերժ Սարգսյանը՝ պատասխանելով հարցին, որ ի պատասխան Civic.am-ի հարցման, ԱԱԾ-ից ասել են՝ իրենց մոտ առկա տվյալների համաձայն՝ «Եզրաս արքեպիսկոպոս Ներսիսյանը 1986-1988թթ. համագործակցել է ԽՍՀՄ պետական անվտանգության կոմիտեի հետ»։
Նա նշեց, որ ընդհանրապես, իր նախկին ծառայակիցները կարող են հավաստել, երբեք այդպիսի հարցերով չի հետաքրքրվել, թե ով է համագործակցում ԱԱԾ հետ, առավել ևս ով է համագործակցել ԽՍՀՄ ՊԱԿ հետ կամ այլ հատուկ ծառայությունների հետ։
«Ես դրա իմաստը չեմ տեսնում։ Ենթադրենք, որևէ մեկը համագործակցել է ԽՍՀՄ հատուկ ծառայությունների հետ, բայց նրանք, ովքեր դա որպես շատ մեծ բացասական բան են համարում, արդյո՞ք գիտեն, թե որ ուղղությամբ է համագործակցել։
