Հունգարիայի ընտրություններում հաղթած «Տիսա» կուսակցության առաջնորդ Պետեր Մադյարը մայիսի 9-ին երդում կտա որպես երկրի վարչապետ։ Այս մասին Մադյարը հայտնել է սոցիալական ցանցերի իր էջում։
«Մայիսի 9-ի կեսօրին, վարչապետի պաշտոնական երդմնակալությունից հետո, մենք Բուդապեշտում տոնական միջոցառում կանցկացնենք», — գրել է նա։
Հիշեցնենք, որ ապրիլի 12-ին կայացած ընտրություններում ընդդիմադիր «Տիսա» կուսակցությունը խորհրդարանի 199 տեղերից ստացել է 141-ը, իսկ իշխող «Ֆիդես» կուսակցությունը պարտություն է կրել՝ ստանալով ընդամենը 52 տեղ։
