Այսօր ԵՄ Խորհուրդը որոշում է ընդունել, որը թույլ կտա Ուկրաինային մոտ ժամանակներս ստանալ մոտ 8 միլիարդ եվրո Ukraine Facility ծրագրի շրջանակներում: Այս մասին ԵՄ Խորհուրդը հայտնել է լրագրողներին, փոխանցում է «Եվրոպական պրավդա»-ն:
Այս
գումարից շուրջ 5 միլիարդ եվրոն կստացվեն միջոցներից, որոնք նախատեսված են 2026
թվականին Ուկրաինայի աջակցության համար վարկի շրջանակներում:
Նշվում է, որ սա ամենախոշոր միաժամանակյա տրանշն է, որը ԵՄ-ն երբևէ
տրամադրել է Ուկրաինային այս ծրագրի շրջանակներում: Վճարումը հնարավոր է դարձել այն
բանից հետո, երբ Ուկրաինան ավարտել է ավելի քան 20 նպատակային քայլ՝ կապված մի շարք
առանցքային ոլորտներում բարեփոխումների հետ, մասնավորապես՝ դատական համակարգում, կոռուպցիայի և փողերի լվացման դեմ
պայքարում, ֆինանսական շուկաներում, պետական ակտիվների կառավարման մեջ, մարդկային կապիտալի զարգացման
մեջ, բիզնես միջավայրում, ապակենտրոնացման և տարածաշրջանային քաղաքականության մեջ,
էներգետիկայում, գյուղմթերքի ոլորտում, թվային տրանսֆորմացիայում և շրջակա միջավայրի
պահպանության մեջ: