Եվրոպական միությունը 25 միլիարդ եվրոյի վնաս է կրել էներգակիրների գների աճի հետևանքով՝ Իրանի դեմ ԱՄՆ-ի և Իսրայելի ռազմական գործողությունների ֆոնին։ Այս մասին Կիպրոսում կայացած ԵՄ ոչ պաշտոնական գագաթնաժողովի արդյունքներով հրավիրված մամուլի ասուլիսի ժամանակ հայտարարել է Եվրահանձնաժողովի նախագահ Ուրսուլա ֆոն դեր Լայենը։

Նա ԵՄ լուրջ տնտեսական կորուստները կապել է մերձավորարևելյան հակամարտության ազդեցության հետ՝ առանցքային առևտրային երթուղիների և տարածաշրջան էներգիայի մատակարարումների վրա։

«Հակամարտության մեկնարկից ի վեր անցած 54 օրվա ընթացքում ածխաջրածինների ձեռքբերման մեր ծախսերն աճել են 25 միլիարդ եվրոյով, ընդ որում՝ մենք չենք գնել ոչ մի մոլեկուլ ավելի, քան նախկինում։ Հետևաբար, մենք պետք է արագացնենք էներգիայի այլընտրանքային աղբյուրների ներդրումը», — նշել է նա։