Ծայրահեղ շոգի հետևանքով
երկուշաբթի օրը Ֆրանսիայի 845 տարրական և միջնակարգ դպրոցներում դասերը չեղարկվել են
կամ անցկացվելու են սահմանափակ ձևաչափով։ Այս մասին France 3 հեռուստաալիքի եթերում
հայտարարել է կրթության նախարար Էդուար Ժեֆրեն։
«Վաղը Ֆրանսիայի
845 տարրական և միջնակարգ դպրոցներում չեղարկվելու են աշակերտների դասերը։ Սա նշանակում
է, որ դրանք կամ ընդհանրապես չեն բացվի, կամ կբացվեն միայն շատ փոքր թվով աշակերտների
համար», — նշել է նախարարը։
Բացի այդ, երկրի շուրջ
1800 կրթական հաստատություններ նախարարությանը տեղեկացրել են, որ փոփոխելու են իրենց
դասացուցակները։ Դպրոցները նախատեսում են կրճատել դասաժամերի քանակը և աշակերտներին
ավելի վաղ տուն ուղարկել՝ շոգի գագաթնակետային ժամերից խուսափելու նպատակով։
Ֆրանսիայի իշխանությունները
նման քայլերի են դիմում՝ աշակերտների և կրթական անձնակազմի առողջությունն ու անվտանգությունն
ապահովելու համար՝ երկրում շարունակվող բարձր ջերմաստիճանների պայմաններում։
