Լեհաստանը սեպտեմբերի 10-ի գիշերը կանխել է Ուկրաինայի հետ իր սահմանային անցակետերից մեկի դեմ ուղղված սպառնալիքը, հայտարարել է Լեհաստանի վարչապետ Դոնալդ Տուսկը։

Տուսկը չի մանրամասնել, թե ինչ սպառնալիքի մասին է խոսքը, սակայն ասել է, որ հաջողվել է դա կանխել Ուկրաինայի հետ համագործակցության շնորհիվ։

Տուսկը նշել է, որ Ռուսաստանը արդեն դիմել է սադրիչ հարձակումների սահմանային անցակետերի վրա, օրինակ՝ Մոլդովայում։ «Մենք սպասում ենք նմանատիպ գործողություններ Ուկրաինայի հետ սահմանային անցակետերի դեմ նաև այլ երկրներում, այդ թվում՝ Լեհաստանում»,- ասել է Լեհաստանի վարչապետը։

Տուսկի խոսքով՝ ինքը ԿՀՎ-ից ստացել է «բավականին ճշգրիտ զեկույց» առաջիկա ամիսներին հնարավոր զարգացումների վերաբերյալ։ «Լեհաստանը և ամբողջ Եվրոպան պետք է պատրաստ լինեն իրադարձությունների տարբեր զարգացումների՝ կապված ոչ միայն ռուս-ուկրաինական ճակատում տիրող իրավիճակի, այլև ԵՄ արևելյան թևի երկայնքով ստեղծված իրավիճակի հետ»,- հայտարարել է Լեհաստանի վարչապետը։