Ուկրաինայի նախագահ Վլադիմիր Զելենսկին համաձայնել է քննարկել խաղաղության համաձայնագիրը, որը նախատեսում է հակամարտությունը սառեցնել ներկայիս առաջնագծով։ Նա այս մասին հայտարարել է Fox News-ին տված հարցազրույցում։

Լրագրողը Զելենսկուն հարցրել է՝ արդյոք նա պատրա՞ստ է ընդունել այնպիսի համաձայնագիր, որի դեպքում Ուկրաինան կպահպանի իր տարածքի 75%-ի կամ ավելիի նկատմամբ վերահսկողությունը, իսկ մնացած մասը կմնա Ռուսաստանի վերահսկողության տակ։

«Այո», - պատասխանել է Ուկրաինայի առաջնորդը։

Զելենսկին նաև խոսել է այն ուկրաինացիների վերադարձի անհրաժեշտության մասին, ովքեր կորցրել են իրենց տները և ներկայումս գտնվում են արտասահմանում։

«Մեզ անհրաժեշտ է, որ 9.5 միլիոն մարդ, որոնք կորցրել են իրենց տները և ներկայումս գտնվում են արտասահմանում, վերադառնան Ուկրաինա, ուղղակի որպեսզի  ապրեն և կառուցեն իրենց երկիրը»,- ասել է նա։