Իրանի նախագահ Իբրահիմ Ռաիսիի մահից հետո սկսվել է հաջորդ ամիս կայանալիք նախագահի արտահերթ ընտրությունների թեկնածուների գրանցումը. առաջին երկու ժամում գրանցվելու համար դիմել է 30 թեկնածու։

Գրանցման հնգօրյա ժամկետից հետո Պահապանների խորհուրդը, որը վերահսկում է ընտրությունները և հետևում օրենսդրությանը, կսկսի նախագահի թեկնածուների փաստաթղթերի ուսումնասիրությունը։ Ստուգման գործընթացը կտևի 7 օր, այնուհետև ընտրություններին մասնակցելու իրավունք ունեցող թեկնածուներին կտրվի մոտավորապես երկու շաբաթ քարոզարշավ իրականացնելու համար:

Պահապանների խորհուրդը պահանջներին բավարարող թեկնածուների ցուցակը կհրապարակի հունիսի 11-ին։