«Մենք կիսում ենք ԵԱՀԿ դիտորդական առաքելության դիտարկումներն ու մտահոգությունները ժողովրդավարական ինստիտուտների և մարդու իրավունքների վերաբերյալ՝ կապված սեպտեմբերի 1-ին Ադրբեջանում կայացած խորհրդարանական ընտրությունների հետ»։ Այս մասին հայտարարել է ԱՄՆ Պետդեպի պաշտոնական ներկայացուցիչ Մեթյու Միլլերը՝ ի պատասխան այն դիտարկման, որ Ադրբեջանում սեպտեմբերի 1-ին կայացած խորհրդարանական ընտրությունները մեծապես քննադատվել են միջազգային դիտորդների կողմից, իսկ ընդդիմությունն էլ բոյկոտել է դրանք:

 Միլլերի խոսքով՝ ԱՄՆ-ն Ադրբեջանին կրկին կոչ է անում «կատարել ԵԱՀԿ նախկին հանձնարարականները, ինչպես նաև նրանք, որոնք, ինչպես մենք հասկանում ենք, կընդունվեն մոտ ապագայում, և ապահովել ժողովրդի հիմնարար ազատությունների իրականացումը Սահմանադրությանը և միջազգային պարտավորություններին համապատասխան»։