Բիթքոին կրիպտոարժույթի արժեքը նոյեմբերի 6-ի գիշերը հասել է պատմական առավելագույնի՝ 75 հազար դոլարի։

Ինչպես վկայում են Coinmarketcap-ի տվյալները, Երևանի ժամանակով ժամը 7:35-ի դրությամբ մեկ բիթքոինն արժեր 74.909 դոլար: Այնուհետև ցուցանիշը փոքր-ինչ նվազել է, որից հետո այն շարունակել է աճել։ Հրապարակման պահին բիթքոինը վաճառվում էր 74500 դոլարով:

Binance կրիպտոբորսայում Երևանի ժամանակով ժամը 6:00-ին փոխարժեքը հասել է ուղիղ $75,000-ի:

Բիթքոինը սկսել է թանկանալ նոյեմբերի 5-ին կայացած ԱՄՆ նախագահական ընտրությունների և դրան հաջորդած ձայների հաշվարկի ֆոնին։ Բիթքոինի փոխարժեքը մեծացել է այն ակնկալիքներով, որ ԱՄՆ հաջորդ նախագահը կդառնա կրիպտոարժույթներին աջակցող գործարար Դոնալդ Թրամփը: