Դոնալդ Թրամփը հայտարարել է ԱՄՆ նախագահական ընտրություններում իր հաղթանակի
մասին։
Այս մասին նա հայտարարել է նոյեմբերի 6-ին Ֆլորիդայում իր կողմնակիցների առջև
ելույթ ունենալիս։
«Սա քաղաքական հաղթանակ է, ինչպիսին մեր երկիրը դեռևս չի տեսել»,- ասել է նա։
Իր ելույթում Թրամփը նշել է, որ հաղթել է առնվազն երեք «տատանվող» նահանգներում՝
Արիզոնայում, Միչիգանում, Նևադայում, ինչպես նաև Ալյասկայում։ Նա նաև հիշեցրել է,
որ Հանրապետական կուսակցությունը Սենատում ստացել է տեղերի մեծամասնությունը։
«Մենք կօգնենք մեր երկրի առողջացմանը։ Մեր երկրին օգնություն է պետք: Մենք կլուծենք
մեր սահմանների հետ կապված խնդիրը, կլուծենք մնացած խնդիրները... Ամերիկան մեզ աննախադեպ ու հզոր մանդատ է տվել»,- հայտարարել է նա։
Ինչպես
հայտնում է BBC-ն, Դոնալդ Թրամփին շատ քիչ է մնացել երկրորդ անգամ Միացյալ
Նահանգների նախագահ դառնալու համար. երբ Եվրոպայում առավոտ էր, Ամերիկայում
ձայների գիշերային հաշվարկը ցույց տվեց, որ Թրամփը հաղթել է 25 նահանգներում և
հավաքել ընտրիչների 246 ձայն՝ անհրաժեշտ 270-ից:
