Դոնալդ Թրամփը, որն արդեն
իրեն հայտարարել է ԱՄՆ 47-րդ նախագահ, իր կողմնակիցների առջև ելույթում հայտարարել
է, որ իր հետ են անհավատալի մարդիկ, որոնց նա խոստանում է դարձնել երջանիկ,
որպեսզի նրանք հպարտանան իրենց քվեարկությամբ:
Նրա խոսքով՝ Ամերիկան հանրապետականներին
տվել է աննխադեպ և հզոր մանդատ: «Հանրապետական կուսակցությունը վերականգնել է վերահսկողությունը Սենատի նկատմամբ, և կարծես թե մենք կպահպանենք վերահսկողությունը Ներկայացուցիչների պալատի նկատմամբ: Ես երախտապարտ եմ իմ հրաշալի
կնոջը՝ Մելանյային, նա հսկայական աշխատանք կատարեց։ Երախտապարտ եմ իմ հրաշք
երեխաներին»,- հայտարարել է Թրամփը:
Նա անդրադարձել է նաև Իլոն Մասկի աջակցությանը և հայտարարել. «Ծնվել է նոր
աստղ՝ Իլոն Մասկը։ Այսօր երեկոյան տեսանք միմյանց։ Նա զարմանալի տղա է: Նա երկու
շաբաթ անցկացրել է Ֆիլադելֆիայում և Փենսիլվանիայի տարբեր մասերում՝ մասնակցելով
նախընտրական քարոզարշավին: Ես սիրում եմ քեզ, Իլոն: Ամերիկան պետք է պաշտպանի մեր սուպերհանճարներին, նրանք այնքան էլ շատ չեն»:
