ՌԴ նախագահի մամուլի քարտուղար Դմիտրի Պեսկովը հայտարարել
է, որ իրեն «հայտնի չէ»՝ Վլադիմիր Պուտինը ծրագրո՞ւմ է շնորհավորել Դոնալդ Թրամփին ԱՄՆ նախագահական
ընտրություններում հաղթելու կապակցությամբ։
«Այնուամենայնիվ, եկեք չմոռանանք, որ խոսքը ոչ բարեկամական
երկրի մասին է, որն ուղղակիորեն և անուղղակիորեն ներգրավված է մեր պետության դեմ
պատերազմի մեջ»,- հայտարարել է Կրեմլի ներկայացուցիչը ճեպազրույցում։
Լրագրողների հարցին՝ Թրամփը չի՞ վիրավորվի,
եթե Պուտինը այնուամենայնիվ չշնորհավորի նրան հաղթանակի կապակցությամբ, և դա չի՞ վատթարացնի Ռուսաստան-ԱՄՆ
հարաբերությունները, Պեսկովը պատասխանել է. «Գործնականում անհնար է ավելի վատթարացնել.
հարաբերությունները գտնվում են պատմականորեն ամենացածր կետում: Իսկ հետո դա կախված
կլինի ԱՄՆ հաջորդ ղեկավարությունից»։
