Ռուսաստանի Դաշնությունը պատրաստ է լրացուցիչ «մեսիջներ» ուղարկել Արևմուտքին, եթե նրանք անհրաժեշտ եզրակացություններ չանեն «Օրեշնիկի» արձակումից հետո, հայտարարել է ՌԴ արտգործնախարար Սերգեյ Լավրովը լրագրող Թաքեր Կառլսոնին տված հարցազրույցում։
Ինչպես նշել է ՌԴ ԱԳ նախարարը, «Օրեշնիկի» արձակման ուղերձն այն էր, որ ԱՄՆ-ը և նրա դաշնակիցները, որոնք հեռահար զենք են մատակարարում Ուկրաինային, հասկանան, որ Մոսկվան պատրաստ կլինի օգտագործել ցանկացած միջոց, որպեսզի Արևմուտքին թույլ չտա հաջողության հասնել ՌԴ-ին «ռազմավարական պարտության» հասցնելու հարցում:
«Ուղերձը, որը մենք ցանկանում էինք փոխանցել՝ փորձարկելով այդ
հիպերձայնային համակարգը իրական պայմաններում, այն էր,
որ մենք պատրաստ կլինենք անել ամեն ինչ՝ պաշտպանելու մեր օրինական շահերը»,- ասել
է Լավրովը։
ՌԴ ԱԳ նախարարի խոսքով՝ Ռուսաստանի Դաշնությունը կցանկանար խուսափել
թերըմբռնումից։
«Բայց քանի որ Լոնդոնում և Բրյուսելում որոշ անհատներ, երևում է, ամբողջովին ճիշտ չեն գնահատում իրավիճակը, մենք
պատրաստ ենք լրացուցիչ «մեսիջներ» ուղարկել, եթե նրանք անհրաժեշտ
եզրակացություններ չանեն»,- հավելել է ՌԴ ԱԳ նախարարը։
