Վրաստանի նախագահ Սալոմե Զուրաբիշվիլին Հանրային հեռարձակողին տված հարցազրույցում պարզաբանել է իր խոսքը, որ հնչեցրել է խորհրդարանական ընտրություններից հետո դրանց կեղծման մասին։ Այդ ժամանակ
Associated Press-ի հետ զրույցում նա հայտարարել էր «հայկական կարուսել» օգտագործելու մասին, ինչը սկանդալ է առաջացրել։
«Ուզում եմ ասել ծագումով հայ (Վրաստանի քաղաքացիներին) և հայերին (հարևան երկրում), որտեղ նույնպես գործում է ակտիվ ռուսական քարոզչություն։ Այդ «հայկական կարուսելը» որևէ էթնիկ ենթատեքստ չուներ»,- նշել է Զուրաբիշվիլին։
Վրաստանի նախագահի խոսքով՝ ինքն առաջին
անգամ լսել է այդ տերմինը, երբ Էդուարդ Շևարդնաձեի օրոք վերադարձել է Վրաստան։
Կեղծիքի նույն մեթոդը, նրա խոսքով, օգտագործվել է նաև Միխեիլ Սաակաշվիլիի օրոք։
«Եթե չեմ սխալվում, Հայաստանում դա անվանում
են «վրացական կարուսել»: Սրա մեջ ընդհանրապես էթնիկ նշան չկա»,- հավելել է նա:
