Կրեմլը հայտնել է, որ ՌԴ նախագահ Վլադիմիր
Պուտինը խնդրել է իր անվան սկզբնատառերը փորագրել խաչերով շղթաների վրա, որոնք
կբաժանվեն Ուկրաինայի դեմ ռազմական գործողություններին մասնակցող ռուս
զինվորականներին։
Պուտինը հունվարի լույս 7-ի գիշերը մասնակցել է
Պոկլոննայա բլրի եկեղեցում Սուրբ ծննդյան պատարագին, որից հետո գնացել է Քրիստոս
Փրկչի տաճար։ Այնտեղ Ռուս ուղղափառ եկեղեցու պատրիարք Կիրիլը պետության ղեկավարի
խնդրանքով և նրա ներկայությամբ օրհնել է խաչեր և սրբապատկերներ զինվորականների
համար, հայտնում են ռուսական գործակալությունները։ ՌԴ նախագահը պատրիարքին ասել է,
որ հավատքի խորհրդանշանները կփոխանցվեն զորախմբերի հրամանատարներին։
Պուտինը Սուրբ ծնունդը դիմավորել է ռուս
ընտանիքների հետ, որոնց թվում, մասնավորապես, եղել են «հատուկ ռազմական
գործողության» (Ռուսաստանի իշխանություններն այդպես են անվանում Ուկրաինա լայնածավալ
ներխուժումը) մասնակիցներ, ինչպես նաև կամավորականներ, փոխանցում է «ՌԻԱ
Նովոստի»-ն:
