Թուրքիայի արտգործնախարար Հաքան Ֆիդանը կարևոր է համարել ՀՀ վարչապետ Նիկոլ Փաշինյանի ուղերձները Ադրբեջանի հետ խաղաղություն հաստատելու վերաբերյալ։
«Մեր
տարածաշրջանում բացվել է պատմական հնարավորությունների պատուհան՝ ամուր խաղաղության, կայունության և բարգավաճման համար: Ես հավատում եմ, որ
Հայաստանը նույնպես կգործի երկարաժամկետ ռազմավարական ընկալմամբ։
Կարևոր ենք համարում վարչապետ Փաշինյանի դրական ուղերձները այս ուղղությամբ:
Մենք արձանագրում ենք, որ նա արտահայտում է խաղաղության օգտին դիրքորոշում,
նպաստում է այս գործընթացում դրական առաջընթացին։ Անկարան շարունակում է նպաստել
կողմերի միջև առանց միջնորդների երկկողմ բանակցություններին։ Խաղաղության
հաստատումն իր հետ կբերի մեր տարածաշրջանում զարգացման նմանը չունեցող նոր
հնարավորություններ»,- ասել է Ֆիդանը։
